Welcome To www.boudnasinh.com

		ຍິນດີຕ້ອນຮັບ ທຸກໆທ່ານ ສູ່ ສູນບຸດນະສິນ ສອນຄອມພີວເຕີ
ຂໍຂອບໃຈທີ່ທຸກໆທ່ານໄດ້ມອບຄວາມໄວ້ວາງໃຈໃຫ້ແກ່ສູນບຸດນະສິນສອນຄອມ ແລະ ຫວັງວ່າທ່ານຈະໃຫ້ການສະໜັບສະໜູນຕະຫຼອດໄປ

ການບໍລິການຕ່າງໆ ທີ່ນອກຈາກການເຝິກອົບຮົມມີ:

- ບໍລິການສ້ອມແປງ ຫຼື ແກ້ໄຂຂໍ້ຂັດຂ້ອງຄອມພີວເຕີ
- ຮັບອອກແບບສິ່ງພິມຕ່າງໆເຊັ່ນ: ກາໝາຍ, ສະຫຼາກຫຸ້ມຫໍ່ສິນຄ້າ,
ແຜ່ນພັບ, ປະຕິທິນ, ສະຕິກເກີ້, ແບບໂຄສະນາຕ່າງໆ
- ຮັບຕັດຕໍ່ວີດີໂອ ເຮັດສາລະຄະດີ ແລະ ເພງຄາຣາໂອເກ້

ບົດກະວີ ບຸນຄຸນຂອງພໍ່ແມ່
ໂດຍ ສ. ສີໂຄດຕະບອງ
	ພໍ່ແມ່ນີ້	ມີຄຸນຍິ່ງໜັກໜາ
	ຫາແນວປຸນ	ປຍບປານບໍ່ມີໄດ້
	ເໝືອນກັບພື້ນ	ປະຖະພີກວ້າງໃຫຍ່
	ເໝືອນແຜ່ນຟ້າ	ກວມຫຸ້ມໂລກຄົນ ທ່ານເອີຍ

ຄົນເຮົາ	ເກີດຈາກທ້ອງ	ພະແມ່ມານດາ
	ອາໃສນົມ	ແມ່ແພງພຽນລ້ຽງ
	ອາຫານເຂົ້າ	ແລງງາຍພໍ່ແລ່ນ
	ຫາຊອກຄົ້ນ	ມາລ້ຽງລູກຕົນ

	ຍາມໃຫຍ່ຂຶ້ນ	ອາຍຸເຖິງກະສຽນ
ພໍ່ແມ່	ສົ່ງລູກຮຽນ	ຊອກສະແຫວງຄວາມຮູ້
ຫວັງເພື່ອ	ເປັນຄົນກ້າ	ມີວິຊາລ້ຽງຊີບ
	ຢູ່ສືບສ້າງ	ຕະກຸນແກ້ວແຫ່ງຕົນ

ພໍ່ແມ່	ຍັງຈັດໃຫ້	ງານດອງສົມສູ່
	ຕາມຮີດບ້ານ	ບູຮານເຖົ້າສືບມາ
ຫວັງໃຫ້	ລູກກ້າວໜ້າ	ສ້າງກໍ່ເປັນເຮືອນ
	ມີຄວາມສຸກ	ສືບສາວໄປໜ້າ

ພ້ອມທັງ	ລົງທຶນໃຫ້	ມູນມັງບິແບ່ງ
	ຫອມຮັກຕູ້ມ	ຊູຊວ້ານໃຫ້ຮຸ່ງເຮືອງ
ຈິດໃຈ	ພໍ່ແມ່ນັ້ນ	ຮັກລູກເຫຼືອຄະນາ
ຍາມລູກ	ປະສົບສຸກ	ພໍ່ແມ່ຍໍມືຍ້ອງ

ຍາມໃດ	ລູກຄາຂ້ອງ	ຕົກລະກຳລຳບາກ
	ພໍ່ແມ່ຮ້ອນ	ໃຈຂວ້ຳຂອດຫງາຍ
	ສະຫຼຸບທ້າຍ	ພໍ່ແມ່ມີຄຸນຫຼາຍ
ຂໍບຸດ	ຕາບຸດຕີ	ຈົ່ງຮຳ່ຮອນເອົາໄວ້ ແດ່ທ້ອນ

ຈົບ.